Үйсэн хавтастай дэвтэр минь чиний үнэртэй
Үдшээр бичих шүлэг минь мөрөөдлийн шидтэй
Учрал дуудсан совин бодлын аясаар дурайх
Увидаст зөөлөн харц мөр бүрээс нь ширтэнэ
Цээлийн гүнээс үгэн булаг ундрах
Цэвцийх цагаан хуудас чиний дүртэй
Цэцэгсийн зүүд сэрээж сэмхэн инээсээр
Цээжийг минь түших хонгорхон дуутай
Цэвцийх цагаан хуудас чиний дүртэй
Цэцэгсийн зүүд сэрээж сэмхэн инээсээр
Цээжийг минь түших хонгорхон дуутай
Үүрийн алтан цацраг үнсэн туяарна
Үзэгний аясаар бие чинь тодроно
Дэнгийн гэрэлд бясалган суухад
Дэлхий ертөнц уяралын өнгөтэй
Үзэгний аясаар бие чинь тодроно
Дэнгийн гэрэлд бясалган суухад
Дэлхий ертөнц уяралын өнгөтэй
Сэвэлзэх салхи гэзгийг чинь самнах
Сэтгэл цэлмээх үзэсгэлэн гоо минь
Шад бүртээ аалийг чинь санагалзан
Шаргалхан өдрүүдийг чимэж явна.
Сэтгэл цэлмээх үзэсгэлэн гоо минь
Шад бүртээ аалийг чинь санагалзан
Шаргалхан өдрүүдийг чимэж явна.
0 comments:
Post a Comment